Presidenti i Bayern Munchen, Uli Hoennes, beson se Xherdan Shaqiri ka ende një rrugë të gjatë për të përshkuar përpara derisa të jetë në të njëjtin nivel me Franck Ribery. Kosovari i kombëtares së Zvicrës ishte njeriu kyç me performancën e tij në fitoren 6-1 të bavarezëve ndaj Wolfsburg në gjysmëfinalen e Kupës së Gjermanisë. Kjo e ka nxitur drejtorin sportiv Matias Sammer ta përshkruajë Shaqirin si një lojtar të klasit botëror.
Megjithatë, Hoeness nuk është plotësisht në këtë linjë, teksa ka nënvizuar se anësori ka ende hapësira për përmirësim.
"Shaqiri ka një performancë të mirë, por nuk është ende në nivelin e Riberiy. Ai ka ende një rrugë të gjatë për të përshkuar përpara se të jetë në të njëjtin nivel me Ribery", citohet presidenti bavarez nga "Bild".
Nuk ka komente:
Posto një koment